- Skólinn
- Skólinn og starfið
- Fólk og félög
- Sýn, stefnur og mat
- Hús skólans
- Námið
- Þjónusta
Brautin veitir góðan almennan undirbúning fyrir nám á háskólastigi, sérstaklega í félagsgreinum. Einkennisgreinar brautarinnar eru einkum félagsfræði, heimspeki, saga, sálfræði, stjórnmálafræði og uppeldisfræði.
Mikil áhersla er lögð á nám í heilbrigðistengdum greinum s.s. eðlisfræði, efnafræði og líffræði. Nokkuð svigrúm er til sérhæfingar í vali á brautinni. Brautin veitir góðan almennan undirbúning fyrir nám á háskólastigi og hentar sérstaklega vel þeim nemendum sem hyggja á nám í heilbrigðistengdum greinum, til dæmis í læknisfræði, hjúkrunarfræði, íþróttafræði, næringarfræði og sálfræði.
Námsbrautin er ætluð byrjendum í íslensku á framhaldsskólaaldri. Námið á brautinni skiptist í fjórar annir og er megináhersla á íslenskukennslu á 1. og 2. þrepi (A1-B1 skv. evrópska tungumálarammanum). Með námi á brautinni er stefnt að því að nemendur verði sem best í stakk búnir til að taka virkan þátt í íslensku, lýðræðislegu þjóðfélagi. Brautin veitir ekki eiginleg réttindi, en með námi á brautinni er nemendum gert kleift að auka möguleika sína til náms og starfa í íslensku samfélagi.
Brautin er unnin í samvinnu við Fjölbrautaskóla Norðurlands vestra og er ætlað að veita innsýn inn í heim kvikmyndagerðar og skyldra greina. Auk kvikmyndaáherslunnar er áhersla lögð á breiða almenna menntun sem veitir góðan grunn fyrir líf og starf og áframhaldandi nám.
Brautinni er ætlað að veita nemendum innsýn í hinar ýmsu greinar sviðslista, s.s. leiklist, dans, söng, skrif og fleiri skapandi greinar. Auk sviðslistaáherslunnar er áhersla lögð á breiða almenna menntun sem veitir góðan grunn fyrir líf og starf og áframhaldandi nám.
Brautin er stúdentsbraut þar sem áherslan er annars vegar á almennan kjarna í bóklegum greinum og hins vegar á tónlistarnám sem fer fram í tónlistarskóla. Brautin veitir góðan grunn undir almennt háskólanám, einkum á sviði tónlistar.
Til að ljúka námi á brautinni þarf að ljúka framhaldsprófi í tónlistarskóla, tveimur miðprófum eða skilgreindri námsleið í tónlistarskóla sem inniheldur að lágmarki 90 einingar í tónlist, svo sem skapandi tónlist.
Brautin veitir góðan almennan undirbúning fyrir nám á háskólastigi, sérstaklega í tungumálum og öðrum hugvísindum. Einkennisgreinar brautarinnar eru einkum erlend tungumál, íslenska, saga, menning og miðlun.
Mikil áhersla er lögð á nám í náttúrufræðitengdum greinum, s.s. líffræði, efnafræði og jarðfræði. Einnig er lögð þó nokkur áhersla á stærðfræði. Mikið svigrúm er til sérhæfingar í vali á brautinni. Brautin veitir góðan almennan undirbúning fyrir nám á háskólastigi og hentar sérstaklega vel þeim nemendum sem hyggja á nám í raungreinum, til dæmis líffræði, efnafræði og jarðfræði.
Mikil áhersla er lögð á nám í eðlisfræði, forritun og stærðfræði, með námsframboði til sérhæfingar í eðlisfræði og stærðfræði. Brautin veitir góðan almennan undirbúning fyrir nám á háskólastigi og hentar sérstaklega vel þeim nemendum sem hyggja á nám til dæmis í stærðfræði, eðlisfræði, verkfræði og tölvunarfræði.