Ræktin/þrek 2
Einingafjöldi: 1
Þrep: 1
Forkröfur: HEIL1HL02 eða HEIL1HN02
Eitt meginmarkmiða áfangans er að nemendur geti unnið sjálfstætt, sett sér markmið og unnið markvisst að þeim. Nemendur útbúa sína eigin æfingaáætlun í samráði við kennara og undir hans leiðsögn og valdar afkastamælingar eru lagðar fyrir nemendur. Áhersla er lögð á að nemendur geri sér grein fyrir ábyrgð sinni á eigin heilsu og finni líkams- og heilsurækt sem hentar þeim. Í áfanganum er komið til móts við nemendur sem æfa afreksíþróttir á þann hátt að þeir geta unnið eftir æfingaáætlun frá þjálfara. Með þessu fyrirkomulagi geta þeir bætt sig í viðkomandi íþróttagrein. Kennslustundirnar fara ýmist fram í líkamsræktarsal eða úti þar sem nemendur geta nýtt sér ýmsa íþróttaaðstöðu eða farið út að hlaupa.
Þekkingarviðmið
- helstu reglum og öryggisatriðum varðandi líkamlegt álag og meiðslahættu
- markmiðssetning og uppbyggingu þjálfunaráætlunar
- forvarnargildi almennrar heilsuræktar
- æfingum sem bæta líkamsstöðu og vinnutækni
Leikniviðmið
- taka þátt í alhliða líkams- og heilsurækt
- framkvæma æfingar sem styrkja og móta helstu vöðva og liðamót líkamans
- öðlast leikni í líkamsbeitingu og vinnutækni
- þjálfa, hreyfa og virkja líkamann til að hafa áhrif á jákvæða upplifun og viðhorf til líkams- og heilsuræktar
- beita ólíkum aðferðum til að meta þol, styrk og liðleika
Hæfnisviðmið
- meta eigið þol, styrk og liðleika og byggja áframhaldandi þjálfun á þeim upplýsingum
- skipuleggja eigin þjálfun, setja sér markmið og sýna þannig sjálfstæð vinnubrögð
- meta heilsufarslegt ástand sitt og geta brugðist við því
- geta unnið með öðrum og verið hvetjandi
Nánari upplýsingar á námskrá.is