Auka færni og þekkingu á hljóðfæraleik

Einingafjöldi: 6
Þrep: 2
Forkröfur: Miðpróf á hljóðfæri eða sambærilegt nám.
Áfanginn er verklegur og einstaklingsmiðaður þar sem nemandi sækir einkatíma í hljóðfæraleik og meðleik, þar sem það á við. Áfanginn miðar að því að nemendur læri að spila ólíka tónlistarstíla og þjálfist í tækni og líkamsbeitingu til að ná sem bestri færni á hljóðfæri sitt. Nemendur þjálfast líka í að spila með öðrum, í nótnalestri og hvað það er að vera leiðandi í tónlistarflutningi. Áhersla er lögð á að nemendur þjálfi sjálfstæð vinnubrögð og tileinki sér árangursríka námstækni.

Þekkingarviðmið

  • Tónbókmenntum og sögu viðkomandi hljóðfæris
  • Ólíkum tónlistarstílum
  • Sjálfstæðum vinnubrögðum
  • Þeirri tækni sem þarf til að leika á hljóðfærið þau verkefni sem lögð eru fyrir í áfanganum
  • Vinnubrögðum við að fullvinna verk með meðleikara

Leikniviðmið

  • Leika verk í mismunandi stílum
  • Nýta tæknilega kunnáttu sína sem best í flutningi
  • Lesa nótur frá blaði sem hæfa áfanganum
  • Beita líkama sem eðlilegast við flutning tónlistar
  • Sýna frumkvæði í vinnu með undirleikara

Hæfnisviðmið

  • Geta greint ólíka stíla tónlistar
  • Vinna sjálfstætt
  • Sýna frumkvæði í hljóðfæratímum og við heimanám
  • Leika verkefni áfangans á sannfærandi hátt
  • Flytja tónlist með öðrum hljóðfæraleikurum
  • Fullvinna verkefni með undirleikara
  • Koma fram á tónleikum með verkefni sem unnin eru í áfanganum
Nánari upplýsingar á námskrá.is