Frumulíffræði
Einingafjöldi: 5
Þrep: 2
Forkröfur: LÆSI2NÁ10 og LÍFF1GL05
Í áfanganum er fjallað um grundvallaratriði í gerð og starfsemi frumna. Fjallað um gerð ósérhæfðra frumna, helstu frumulíffæri og hlutverk þeirra. Ítarlega er fjallað um byggingu og hlutverk frumuhimnunnar, og samskipti milli frumna. Þá er fjallað ítarlega um frumuhringinn og stjórnun á honum. Í lok áfangans er fjallað um sérhæfingu frumna, helstu vefjagerðir og starfsemi sérhæfðra frumna. Auk þess er komið inn á líffræðileg stýrikerfi.
Þekkingarviðmið
- muninum á heilkjarna- og dreifkjarnafrumum
- öllum helstu frumulíffærum og frumuhlutum
- eðli og byggingu frumuhimnunnar
- byggingu frymisgrindar
- eðli frumutengsla
- frumusamskiptum: boðefnum, frumuviðtökum, dreifingu boða og viðbrögðum við boðum
- frumuskiptingu og föstum mítósuskiptingar
- frumuhringnum og stjórnun á honum
- helstu frumugerðum vefja
- hugtakinu samvægi og afturvirkum stýrikerfum
Leikniviðmið
- greina á milli heil- og dreifkjarnafrumu
- þekkja öll helstu frumulíffæri og frumuhluta
- greina á milli mismunandi flutningsleiða um frumuhimnu
- skilja gerð og hlutverk frymisgrindar
- greina á milli mismunandi boðefna og boðleiða
- skilja ferli frumuskiptingar og stýringar á frumuhringnum
- skilja breytta eiginleika frumna eftir sérhæfingu þeirra
- skilja hvað felst í samvægi og hvernig stjórn líkamans felst í því
Hæfnisviðmið
- útskýra undirstöðuatriði er varða mismunandi frumugerðir og hlutverk þeirra
- þekkja til umhverfi frumna og samskipti frumna við umhverfi sitt
- þekkja vel byggingu og starfsemi frumuhimnunnar
- útskýra frumuhringinn, eðlilega starfsemi hans og óeðlilega (t.d. í tengslum við sjúkdóma)
- útskýra mismunandi hlutverk sérhæfðra frumna og vefjagerða
- nýta þekkingu sína og leikni til til áframhaldandi náms
Nánari upplýsingar á námskrá.is