Agnes í fyrsta sæti

Agnes Eva og Harpa Halldórs

Agnes Eva Þórarinsdóttir varð í fyrsta sæti í Landskeppninni í efnafræði og hefur tryggt sér sæti í Ólympíuliðnu sem keppir í Washington DC í Bandaríkjunum dagana 21. - 30. júlí í sumar.

Auk Agnesar tóku tveir nemendur MA þátt í lokakeppninni, Hákon Valur Dansson, sem var sjöundi og Sunna Björnsdóttir sem varð þrettánda.

Á myndinni, sem tekin var í Kvosinni í gær, er Agnes að sýna efnablöndur í dagskrá sem Sprengigengi MA var með á kjörsviðskynningu um morguninn og í Opnu húsi síðdegis. Með henni með svört gleraugu er Harpa Halldórsdóttir bekkjarsystir Agnesar.