Auðunn Skúta og Brandur áfram í eðlisfræðikeppninni

Auðunn Skúta Snæbjarnarson og Brandur Þorgrímsson í 4. bekk X unnu sér í forkeppni rétt til þátttöku í úrslitakeppninni í eðlisfræði. Alls komust 14 nemendur í úrslitin. Úrslitakeppnin fer fram í Háskóla Íslands dagana 13. og 14. mars, fyrri daginn verður fræðileg keppni en verkleg seinni daginn. Verðlaunaafhending verður á Háskólatorgi síðdegis sunnudaginn 14. mars.

Allir keppendur í úrslitakeppninni fá bókaverðlaun fyrir góðan árangur í forkeppninni en þeir fimm sem lenda í efstu sætum úrslitakeppninnar fá peningaverðlaun. Bakhjarlar eðlisfræðikeppninnar eru Eðlisfræðifélagið og Félag raungreinakennara.

Menntaskólinn á Akureyri óskar þeim Auðuni Skútu og Brandi til hamingju með árangurinn svo og velgengni í úrslitakeppninni.