Helga Björg og Elías Dýrfjörð léku með Ungsveit SÍ

Helga Björg og Elísas Dýrfjörð

Tveir nemendur á kjörnámsbraut í tónlist léku með Ungsveit Sinfóníuhljómsveitar Íslands um helgina, þau Helga Björg Kjartansdóttir víóluleikari og Elías Dýrfjörð kontrabassaleikari (hann er líka á heilbrigðisbraut). Á þessum tónleikum leikur ungt tónlistarfólk sem tekið hefur þátt í hljómsveitarnámskeiði Sinfóníuhljómsveitar Íslands. Í ár fluttu þau níundu sinfóníu Antoníns Dvořák, Sinfóníu úr nýja heiminum, ásamt Fanfare eftir Aaron Copland undir stjórn Nathanaël Iselin. 

Á heimasíðu Sinfóníuhljómsveitar Íslands segir: ,,Markmið Sinfóníuhljómsveitarinnar með hljómsveitarskóla Ungsveitarinnar er að gefa tónlistarnemendum innsýn og vettvang til að kynnast hinum sinfóníska heimi af eigin raun og njóta þjálfunar og leiðsagnar í hljómsveitarleik eins og um atvinnumennsku væri að ræða. Hljóðfæraleikarar Ungsveitarinnar þurfa að standast prufuspil sem líkir eftir aðstæðum prufuspila hjá Sinfóníuhljómsveitinni."