Enskunám og Afghanistan

Nemendur í afghönskum klæðum

Líkt og undanfarin ár lesa nemendur í ENS613 skáldsöguna Flugdrekahlauparann eða The Kite Runner eftir Khaled Hosseini samhliða öðrum viðfangsefnum í áfanganum.

Menntaskólinn á Akureyri býr svo vel að eiga að Jónínu Helgu Þórólfsdóttur kennara, en hún starfaði um tíma sem þróunarfulltrúi í Afghanistan, sem er einmitt sögusvið skáldsögunnar. Jónína hefur heimsótt nemendur í áfanganum og rætt við þá og frætt um sögu þessa stríðshrjáða lands og hvernig Íslendingar gætu möguleika stuðlað að bættum lífsgæðum íbúanna.

Á myndinni má sjá nemendur í hefðbundnum afghönskum klæðnaði, en Jónína leyfði þeim m.a. að máta hina umdeildu búrku (blái klæðnaðurinn).