Fjórði bekkur í kynningu i HA

Fimmtudaginn 29. október 2015 býður Háskólinn á Akureyri útskriftarnemum framhaldsskóla á Norðurlandi í heimsókn. Dagskráin hefst kl. 10:00 og stendur til 13:00. Kynning verður á öllum námsleiðum við háskólann og gestum gefst tækifæri á að ræða við nemendur og kennara.

Ath. rútur fara kl. 9:40 frá MA.

Auk almennrar kynningar á námsframboði í Háskólanum á Akureyri verður hægt að kynna sér alþjóðlegt skiptinám og leita til námsráðgjafa HA. Þá verður hægt að fara í skipulagðar gönguferðir um húsakynni skólans í fylgd nemenda.

Boðið verður upp á pítsur og gos í hádeginu og rútur sækja gesti og skila þeim heim.

Kynntu þér dagskránna á unak.is