Fræðslumyndir frumsýndar

FER 303 í H9. Myndbönd sýnd

Nemendur á ferðamálakjörsviði 4. bekkjar í MA frumsýndu í gær kynningarmyndbönd sem þeir hafa unnið að á þessari önn og fjalla um íslenska náttúru og ferðamennsku. Þessi myndbönd eru undirbúningur lokaverkefnis í áfanganum þegar nemendur fara til útlanda og afla efnis að kynningarmyndbandi um þá evrópska borg sem þeir lenda í, í eins konar happdrætti.

Myndböndin sem sýnd voru í gær hafa nemendur tekið upp, klippt, hljóðsett og sett inn á þau neðanmálstexta á ensku, enda böndin miðuð við að kynna útlendingum íslenska náttúru og nytjar af henni til ferðamennsku. Þarna var meðal annars fjallað um íslenska fugla, hestamennsku, jarðhita og vetrarferðir. Kennarar í áfanganum og skólastjórnendur voru meðal áhorfenda í stofu H9 á Hólum í gær. Þessi mynd var tekin þar.