Háskóladagurinn 2021

Háskóladagurinn er á netinu á laugardaginn

Háskóladagurinn er 27. febrúar milli kl. 12 og 16 og í ár verður hann alfarið á netinu.

Háskóladagurinn hefur lengi verið einn mikilvægasti vettvangur landsmanna við að kynna sér allt grunnnám allra háskóla á landinu. Nýr vefur hefur verið opnaður, www.haskoladagurinn.is, og þar er hægt að nálgast allar upplýsingar um nám í boði.

Á laugardaginn kemur munu um 300 fjarfundir tengjast vefnum þar sem hægt verður að fá upplýsingar um allar námsbrautir en á fjarfundunum geta áhugasamir spurt spurninga um námið og spjallað við fulltrúa háskólanna, nemendur og kennara. Á vefnum er afar öflug og einföld leitarvél sem auðveldar verðandi nemendum að finna draumanámið.