Hátíð að höndum

Í dag er 1. desember, fullveldisdagur Íslands, dagur íslenskar tónlistar, alþjóðlegur dagur alnæmis og hinn forni árshátíðardagur Menntaskólans á Akureyri og áður lögboðinn frídagur í skólum.

Nemendur MA halda hátíð sína með pompi og prakt í Íþróttahöllinni á Akureyri annað kvöld, eins og þeir auglýsa á vef sínum. Að þessu sinni eru hraðar hendur við að koma hátíðinni fyrir í höllinni, en nemendur fengu hana til afnota að loknum handboltaleik í gærkvöld. Það verður því handagangur í öskjunni að koma öllu á sína staði og ganga frá viðamikilli dagskrá fyrir smekkfullu húsi af nemendum og starfsfólki skólans.

Gleðilega hátíð!