Hverjir spiluðu á Söngsal?

25 ára stúdentar rifja upp Söngsal 2008

Söngsalur er einhver elsta hefð í MA. Þar hefur margur píanósnillingurinn leikið undir söng nemenda gegnum tíðina. En hverjir hafa spilað á Söngsal?

Lengi vel framan af var það svo að þegar tókst að fá skólameistara til að leyfa söng á Sal var gripið til næsta tiltæks píanóleikara, svo trúlega hafa mörg árin verið fleiri en einn og fleiri en tveir spilarar. Þannig finnst þeim sem þetta skrifar að fyrsta árið hans í MA hafi Jóhannes Vigfússon, Jón Hlöðver Áskelsson og Haukur Heiðar allir gripið í að spila á Söngsal. Löngu síðar var þetta rekið í fastari skorður og valinn eða tilnefndur píanóleikari til næstu ára. Og fráfarandi píanóleikari átti það til að benda á arftaka sinn. Þá var píanóleikarinn orðinn að embætti og kallaður konsertmeistari og enn síðar færðist það í fang konsertmeistarans að vera líka forsöngvari. Hefðirnar breytast þótt þær lifi.

Nú hefur verið settur saman listi yfir píanóleikara á Söngsal frá 1964 til okkar dags. Þessi skrá er langt frá því að vera fullkomin eða rétt, reyndar sett saman eftir minni margra, því þetta er hvergi skráð, en okkur hér í MA langar til að fá hana rétta. Þess vegna viljum við biðja þá sem vita betur að koma til okkar leiðréttingum og lagfæringum og eins væri indælt ef einhverjir vildu stoppa í götin og bæta við það sem hér er:

• Er einhvers staðar rangt með farið í þessum lista??
• Voru fleiri en einn á flyglinum einhver árin? Hverjir?
• Hver spilaði á árunum 1972-1974 (frá því Hörður Áskels hætti og Ásgeir Böðvars byrjaði)?
• Hverjir spiluðu á söngsal fyrir 1964?

Vinsamlega sendið leiðréttingar, lagfæringar og vðbætur í tölvupósti á svp@ma.is

Bráðabirgðalistinn er á þesssa leið: