Í menningarferð

Létt yfir fólki í langferðabíl

Hátt í þriðja hundrað nemenda skólans fór með fjórum kennurum í menningarferð til Reykjavíkur á föstudag. Hópurinn kom til baka í gær.

Margt var á dagskrá í ferðinni. Sumir fóru í leikhús og sáu Hróa hött eða Móðurharðindin, sumir fóru í bíó, farið var í Bláa lónið, í paintball, í menningarrölt um Reykjavík og skoðunarferð í Alþingishúsið og auk þess var frisbígolfferð á vegum FolfMA. Hópurinn gisti í Verslunarskóla Íslands og þar var bæði kvöldvaka og hæfileikakeppni.

Stjórn skólafélagsins Hugins hélt utan um ferðina en með í för voru kennararnir Hólmfríður Jóhannsdóttir, Kolbrún Ýrr Bjarnadóttir, Logi Ásbjörnsson og Unnar Vilhjálmsson.

Myndirnar eru frá Kolbrúnu og Loga.

Í Verslunarskólanum

Í Bláa lóninu