Jafnréttisvika í MA 20. - 24. janúar

Auglýsing Hugins, FemMA og PrideMA

MA-ingum er alltaf umhugað um jafnrétti en þessa vikuna, 20.-24. janúar, er það sérstaklega í sviðsljósinu. Skólafélagið Huginn, femínistafélagið FemMA og jafnréttisfélagið PrideMA standa fyrir fjölbreyttum uppákomum af þessu tilefni t.d. fræðslu um kynlífsmenningu framhaldsskólanema og samþykki, viðburðum eins og spilakvöldi og fornafnafræðslu og gleðidögum.

Á samfélagsmiðlum skólans verður kynning á jafnréttisráði skólans en í því sitja nemendur úr félögum og ráðum sem og starfsfólk, hér er listi yfir fulltrúana:

Anna Sigríður Davíðsdóttir, jafnréttisfulltrúi MA

Alma Oddgeirsdóttir, fulltrúi starfsfólks

Snorri Magnússon, fulltrúi starfsfólks

Vera Mekkín Guðnadóttir, fulltrúi Hagsmunaráðs

Bjartmar Svanlaugsson, fulltrúi Hugins

Freydís Lilja Þormóðsdóttir, fulltrúi Hugins og FemMA

Elías Dýrfjörð, fulltrúi PrideMA

María Bergland, fulltrúi FemMA

Ragnheiður Alís Ragnarsdóttir, fulltrúi 1. bekkjar

Anton Bjarni Bjarkason, fulltrúi 1. bekkjar

Hildur Helga Kolbeinsdóttir, fulltrúi 2. bekkjar

Hekla Himinbjörg Bragadóttir, fulltrúi 2. bekkjar

Helga Björg Kjartansdóttir, fulltrúi 3. bekkjar

Sólveig Lára Skarphéðinsdóttir, fulltrúi 3. bekkjar

Þórdís Kristín O´Connor, fulltrúi Hugins og FemMA

Umfjöllun um jafnrétti á alltaf rétt á sér og mikilvægt er að minna á það hvert við erum komin í jafnréttisbaráttunni og gaumgæfa og vekja athygli á því sem betur má fara. Umfjöllun um jafnrétti af ýmsum toga má auðvitað finna víða í námi og starfi nemenda í skólanum og í jafnréttisviku verður hún stór hluti af félagslífinu líka. 

Gaman er að segja frá því að um þessar mundir eru nemendur í íslensku í 2. bekk að lesa Brennu-Njáls sögu og mörg því að kynnast kvenskörungnum Hallgerði langbrók en hún barðist m.a.  fyrir því að vera spurð álits og fá að velja sjálf hverjum hún giftist. Hvernig hjónabönd hennar gengu er svo önnur saga...

Jafnréttistefna og jafnréttisáætlun MA eru aðgengilegar á heimasíðu skólans, hér.