Laus kennarastörf í MA

Menntaskólinn á Akureyri auglýsir eftir kennara í eðlisfræði/jarðfræði í fullt starf.
Umsækjendur þurfa að hafa háskólamenntun í eðlisfræði / jarðfræði og kennsluréttindi. Ráðið verður í stöðuna frá 23. janúar 2017. Umsóknarfrestur er til 31. október 2016.

Menntaskólinn á Akureyri auglýsir jafnframt eftir kennara í stærðfræði.
Umsækjendur þurfa að hafa háskólamenntun í stærðfræði og kennsluréttindi. Ráðið verður í stöðuna frá 23. janúar 2017. Umsóknarfrestur er til 2. nóvember 2016

Um báðar stöðurnar gildir eftirfarandi:

Leitað er að umsækjanda sem er fær í samskiptum, á gott með að vinna með nemendum og er tilbúinn til að taka þátt í þróun kennslu og náms.

Laun greiðast samkvæmt gildandi kjarasamningi Kennarasambands Íslands og fjármálaráðherra og stofnanasamningi skólans.

MA er framsækinn menntaskóli með langa sögu og býr nemendur undir nám í háskóla og líf og starf í lýðræðisþjóðfélagi í sífelldri þróun.  Skólinn  starfar undir kjörorðunum  virðing – víðsýni – árangur. Í MA er öflugt þróunarstarf og  góður starfsandi.

Skriflegar umsóknir, ásamt prófskírteinum og upplýsingum um nám og fyrri störf skulu berast Menntaskólanum á Akureyri samkvæmt ofanrituðum dagsetningum. Ekki er um sérstök umsóknareyðublöð að ræða. Öllum umsóknum verður svarað þegar ákvörðun um ráðningu hefur verið tekin.

Ef þú vilt  takast á við krefjandi kennarastarf í metnaðarfullum skóla er tækifærið hér.  Frekari upplýsingar veita Jón Már Héðinsson skólameistari og Sigurlaug Anna Gunnarsdóttir aðstoðarskólameistari, sími: 4551555,  netfang ma@ma.is .

Menntaskólanum á Akureyri,
Jón Már Héðinsson
Skólameistari MA