Líf og fjör á nýja útiíþróttasvæðinu

Nýja útiíþróttasvæðið vígt

Fyrstu tímarnir á nýja útiíþróttasvæðinu við skólann voru í gær, 27. ágúst. Það voru þriðjubekkingar sem vígðu svæðið en íþróttakennararnir Guðrún Helga, Inga og Unnar voru með tíma fyrir árganginn í tvennu lagi. Svæðið lofar afar góðu og býður upp á marga möguleika. Þar er hægt að vera í körfubolta, blaki, bandy og gera æfingar á mjúku gervigrasinu svo eitthvað sé nefnt. Og upphitun dagsins var hressandi dans sem Karen Sveinsdóttir zumbakennari á Bjargi sá um.