Lok haustannar, prófsýningar, upphaf vorannar og gleðileg jól!

Nú er haustönninni alveg við það að ljúka. Síðustu sjúkraprófin voru í dag og nemendur því komnir í jólafrí. Búið er að opna fyrir einkunnir í Innu. Nokkrir nemendur munu brautskrást á morgun.

Prófsýningar verða 8. janúar eða í fyrstu kennslustund.

Kennsla hefst á vorönn 8. janúar. Í fyrstu vikunni verða líka endurtökupróf í náttúrulæsi og menningarlæsi í 1. bekk (það þarf að skrá sig í þau á afgreidsla@ma.is). Annars halda nemendur áfram á vorönn þótt þeir hafi fall í einhverjum greinum. Hægt er að vinna upp fall á vorönn með því að ná meðaltalinu 5 í greininni eða taka endurtökupróf í vor.

Hikið ekki við að heyra í stoðteymi skólans, brautarstjórum eða aðstoðarskólameistara ef eitthvað er óljóst.

Við óskum ykkur nemendum gleðilegra jóla og þökkum ykkur kærlega fyrir samstarfið á önninni.