Lyklavöldin afhent

Karl Frímannsson tekur við lyklunum að MA úr hendi fráfarandi skólameistara, Jóns Más Héðinssonar

Fyrsti vinnudagur nýs skólameistara, Karls Frímannssonar, er í dag. Jón Már Héðinsson fráfarandi skólameistari afhenti honum lyklana að húsum skólans í sama leðurveskinu og hann fékk úr hendi forvera síns, Tryggva Gíslasonar. Karl segist spenntur að hefja störf og það sé tilhlökkun að takast á við ný verkefni og kynnast nemendum og starfsfólki.