Magnús Orri Aðalsteinsson er Ungskáld 2020

Verðlaunahafar eða fulltrúar þeirra og dómnefnd Ungskálda. Almar Alfreðsson tók myndina

Verðlaunaafhending í ritlistakeppni Ungskálda fór fram í dag. Ungskáld er verkefni á Akureyri sem gengur út á að efla ritlist og skapandi hugsun og er keppnin ætluð fólki á aldrinum 16-25 ára á Norðurlandi eystra. Þátttaka var mjög mikil og bárust um 100 verk.

Fyrrverandi MA-ingar röðuðu sér í þrjú efstu sætin; Magnús Orri Aðalsteinsson stúdent 2020 hlaut fyrstu verðlaun, Stefán Elí stúdent 2019 var í öðru sæti og Alda Rut Sigurðardóttir stúdent 2020 í því þriðja. Að auki voru veitt tvenn aukaverðlaun eða hvatningarverðlaun. Þau hlutu Jóndís Hinriksdóttir og Egill Andrason.

Menntaskólinn á Akureyri óskar öllum vinningshöfunum til hamingju með verðlaunin. 

Hér er hægt að sjá verðlaunatextana.