Nemendavernd í MA

Lena Rut, Heimir og Kristín Elva

Við Menntaskólann á Akureyri starfa námsráðgjafarnir Heimir Haraldsson og Lena Rut Birgisdóttir, og núna á haustdögum var ráðinn skólasálfræðingur, Kristín Elva Viðarsdóttir.

Þessi þrjú starfa saman að nemendavernd. Teymið heldur utan um nýnemafræðslu og forvanir í 1. bekk auk þess að sinna hópráðgjöf og einstaklingsviðtölum fyrir alla nemendur skólans.

Þeir sem óska viðtals hjá skólasálfræðingi þurfa að sækja um það hjá námsráðgjafa.