Nemendur heimsóttu Héraðsdóm Norðurlands eystra

Nemendur í lögfræðivali fylgjast áhugasamir með

Nemendur í lögfræðivali gerðu góða ferð í Héraðsdóm Norðurlands eystra sl. mánudag ásamt kennara sínum Einari Brynjólfs.

Arnbjörg Sigurðardóttir, dómstjóri (MA-stúdent 1993) og Berglind Harðardóttir, aðstoðarmaður dómara (MA-stúdent 2010) sátu fyrir svörum og fræddu fróðleiksþyrsta nemendur um hina ýmsu leyndardóma dómskerfisins.

Heimsóknin heppnaðist sérlega vel og í ljós kom að í hópnum má finna nokkra nemendur sem hyggjast leggja lögfræði fyrir sig að afloknu námi hér í MA.

Einar Brynjólfsson.