Opið hús í MA 17. júní kl. 12-15

Mynd: Axel Þórhallsson. Hópmyndir af nýstúdentum verða teknar í tröppunum við útiæfingasvæðið 17. júní.

Þann 17. júní er opið hús í MA fyrir gesti og gangandi frá kl. 12-15. Milli kl. 12 og 13 eru myndatökur nýstúdenta sunnan við Hóla, fyrst er allur árgangurinn myndaður og svo einstaka bekkir. Aðstandendur geta beðið í skólanum á meðan og fengið sér kaffisopa. Öllum er velkomið að heimsækja skólann meðan opið er, þiggja smá veitingar og skoða skólann, meðal annars verður opið upp á háaloft sunnan megin í Gamla skóla.