Örn Dúi áfram í eðlisfræðikeppni

Einn nemandi skólans komst áfram í úrslitakeppnina í eðlisfræði en það er Örn Dúi Kristjánsson í 3TX. Hann verður þar í hópi 14 nemenda sem best stóðu sig í forkeppninni og keppa um réttinn til að komast á Ólympíuleikana í eðlisfræði. Úrslitakeppnin í Háskóla Íslands helgina 24.- 25. mars.

Stefnt er að því að 5 hinir efstu í úrslitakeppninni, sem ekki verða  orðnir tvítugir 30. júní, fái boð um að vera í keppnisliði Íslendinga á Ólympíuleikunum í eðlisfræði sem fram fer í Tallin í Eistlandi dagana 15. - 24. júlí í sumar.