Öskudagurinn 2014

Það fór varla framhjá neinum í Menntaskólanum á Akureyri að öskudagurinn var í dag og fjöldi nemenda og allmargir kennarar klæddir samkvæmt því. Að vísu var litskrúðið mest í löngu frímínútum, margir létu skrautbúninga duga þá, en aðrir héldu út til loka dags.

Að vanda var í Kvosinni efnt til búningakeppni og tunna var sleginn og úr henni flæddi sælgæti sem stjórn Hugins fylgdi eftir með mikilli sykurmetisdreifingu. Þá var hið árlega limbó - og Ásdís vann. Hæðin var ekki gefin upp.

Hér eru nokkrar svipmyndir úr Kvosinni í morgun.