Skautadrottningar MA

Aldís Kara og Kolbrún María

Í MA er margt afburðafólk í íþróttum, sem stundar tímafrekar og kröfuharðar keppnisíþróttir samhliða námi sínu. Þar á meðal eru skautastúlkurnar Aldís Kara og Kolbrún María sem voru valdar íshokkíkona og skautakona ársins 2019.

Kolbrún María Garðarsdóttir var valin íshokkíkona ársins 2019 af stjórn Íshokkísambands Íslands. Kolbrún María hefur leikið íshokkí nánast eins lengi og hún man eftir sér en hún var aðeins fjögurra ára gömul þegar hún byrjaði að æfa íshokkí. Kolbrún María er á öðru ári í MA, á félagsgreinabraut.

Eins og segir á vef Íshokkísambandsins: ,,Kolbrún María hefur frá unga aldri leikið með Skautafélagi Akureyrar og varð Íslandsmeistari með liðinu 2019 þar sem hún var næst stigahæsti leikmaður deildarinnar með 27 stig í 10 leikjum. Kolbrún vann bronsverðlaun með íslenska kvennalandsliðinu á heimsmeistaramóti Alþjóða Íshokkísambandsins  í apríl síðastliðnum þar sem hún skoraði þrjú mörk og átti þrjár stoðsendingar. Kolbrún María var valin besti leikmaður íslenska landsliðsins á mótinu. Kolbrún María Garðarsdóttir er vel að þessu komin enda frábær leikmaður í alla staði, öflugur liðsfélagi, frábær fyrirmynd og er íshokkíhreyfingunni á Íslandi til mikils sóma.“

 Al­dís Kara Bergs­dótt­ir hef­ur verið val­in skauta­kona árs­ins 2019 af Skauta­sam­bandi Íslands. Á vef Skautasambands Íslands segir: ,,Al­dís Kara æfir með Skauta­fé­lagi Ak­ur­eyr­ar und­ir leiðsögn Dar­ja Zajcen­ko og kepp­ir í ung­linga­flokki kvenna. Al­dís Kara er verðugur full­trúi ÍSS og vel að viður­kenn­ing­unni kom­in þar sem hún hef­ur sýnt mik­inn dugnað og metnað við iðkun íþrótt­ar­inn­ar. Hún hef­ur sýnt góðan stöðug­leika í keppn­um og verið á mik­illi sigl­ingu stiga­lega séð og náði hún á ár­inu lág­marks tæknistig­um ISU í stuttu pró­grammi. Fyr­ir utan inn­lend mót á veg­um ÍSS á ár­inu 2019 hef­ur Al­dís Kara keppt á RIG, Norður­landa­móti, Juni­or Grand Prix  og á Halloween Cup.“

Aldís Kara er á fyrsta ári í MA, á náttúrufræðibraut. Hún hefur líka æft skauta lengi eða frá því að hún var 6 ára.

Menntaskólinn á Akureyri óskar þessum öflugu skautadrottningum til hamingju með titlana.