Skólasetning 2016

Skólasetning Menntaskólans á Akureyri verður fimmtudaginn 8. september kl. 09:30.

Að lokinni setningu verður gestum boðið kaffi og kynningarfundur skólans og FORMA, foreldrafélags MA, hefst í Kvosinni á Hólum.

Á sama tíma og stjórnendur skólans og námsráðgjafar kynna foreldrum fyrirkomulag skólastarfsins í 1. bekk hitta umsjónarkennarar í 1. bekk umsjónarbekki sína, og þeir munu hitta foreldra í framhaldi af því.

Eftir hádegi, eða kl 13:00, koma allir nýnemar í Kvosina. Þar verða þeir leiddir í gegnum fyrstu skrefin í tölvukerfi skólans, forvarnarteymi skólans kynnir sitt starf og stjórn skólafélagsins Hugins kynnir sig og störf sín.

Kennsla hefst samkvæmt stundaskrá föstudagsmorguninn 9. september.

Móttaka nýnema verður þriðjudaginn 13. september. Þann dag verða nemendur í 1. og 4. bekk uppteknir og koma ekki í tíma.