Sparifatakaffi

Á leið að allsnægtaborðinu

Ein af seinni tíma hefðum í Menntaskólanum á Akureyri er að á síðasta reglulegum kennsludegi bjóði sparibúnir nemendur 4. bekkjar kennurum sínum í kaffi á Sal í Gamla skóla. Það var þröng á þingi þar í löngu frímínútum í dag og borð svignuðu undan kræsingum. Sólin skein ákaflega og þetta var fallegur dagur.

Á morgun er Dimissio og þá verða fjórðubekkingar kvaddir og þeir kveðja síðan kennara sína. Um kvöldið er kaffisamsæti þeira og starfsmanna skólans í Kvosinni á Hólum. Vorannarpróf leggjast svo yfir af fullu afli á mánudag.

Nokkrar myndir voru teknar á Sparifatakaffinu.