Stelpur diffra; stærðfræðibúðir fyrir stelpur og stálp

Stelpur diffra eru námsbúðir í stærðfræði sem haldnar hafa verið í Reykjavík undanfarin fjögur ár, en nú er vonin að halda þær í fyrsta sinn fyrir norðan! Þær verða haldnar dagana 25.-27. apríl í húsakynnum Háskólans á Akureyri. Búðirnar eru fyrir stelpur og stálp í framhaldsskóla sem hafa áhuga á stærðfræði og vilja læra meira umfram það sem kennt er í skólum, bæði hvað varðar fræðin sjálf og hvernig hún birtist í daglegu lífi. Lögð er áhersla á að gefa sér tíma til að skoða stærðfræðina í gegnum skemmtileg verkefni frá flottum kennurum. Dagskráin verður margskonar, til dæmis verkefni, smiðjur, fyrirlestrar og aðrir viðburðir. Myndir úr búðunum fyrir sunnan má finna á Facebook og Instagram síðum búðanna eða á heimasíðunni stelpurdiffra.is. Skráning fer fram á eftirfarandi hlekk https://forms.gle/JjbUpYMctThbYiNb7  eða á heimasíðunni, skráningarfrestur er til 8. apríl en við hvetjum áhugasöm til að skrá sig sem fyrst!