Svala Lind í Ólympíukeppni í þýsku

Ólympíukeppnin í þýsku, Internationale Deutscholympiade, verður haldin í 4. skipti í sumar og fer fram í Dresden dagana 23. júlí til 4. ágúst. Félag þýskukennara stendur nú fyrir því í annað skiptið að senda þátttakendur til keppninnar. Við val á keppendum er meðal annars höfð hliðsjón af frammistöðu í Þýskuþrautinni.

Svala Lind Birnudóttir 3AB er einn þriggja liðsmanna Íslands á þessum leikum, en auk hennar skipa liðið Ásgrímur Einarsson MR og Halla Tinna Arnardóttir VÍ. Dagskrá leikanna er mjög fjölbreytt og byggist á einstaklings- og hópverkefnum og þrautum auk þess sem þátttakendum býðst að taka þátt í margvíslegri fræðslu og frístundaiðju.