Þorsteinn Jakob 2A og Þorbjörg 2L í verðlaunasætum í ritlistasamkeppni

Lengst til vinstri er Halldór Birgir Eydal, þá Þorbjörg Þóroddsdóttir og fremstur situr Þorsteinn Jakob Klemenzson. Mynd: Ragnar Hólm (birt á akueyri.is)

Verðlaunaafhending Ungskálda á Akureyri fór fram á Amtsbókasafninu í gær, fimmtudaginn 9. desember. Þetta er árlegt samstarfsverkefni MA, VMA, Amtsbókasafnins á Akureyri, Ungmennahússins í Rósenborg og Akureyrarbæjar þar sem ungmenni á aldrinum 16-25 ára fá tækifæri til að taka þátt í ritlistarsmiðju, kaffihúsakvöldi og ritlistarsamkeppni. Í ár bárust alls 52 verk frá 29 höfundum, og voru úrslit eftirfarandi:

Í 3. sæti var Þorbjörg Þóroddsdóttir 2L með verkið Mandarínur
í 2. sæti var Halldór Birgir Eydal nemandi í VMA með verkið Ég vil ekki kaupa ný jakkaföt
og í 1. sæti var Þorsteinn Jakob Klemenzson 2A með verkið Vá hvað ég hata þriðjudaga

Glöggir lesendur taka eftir því að tveir nemendur skólans eiga verðlaunaverk í ár og við óskum þeim hjartanlega til hamingju með árangurinn!

Sjá líka Þorsteinn Jakob er ungskáld Akureyrar 2021 | Akureyrarbær (akureyri.is)

Sigríður Kristjana Ingimarsdóttir