Fréttir

Úrslitakvöld spunakeppni framhaldsskólanna, Leiktu betur, fór fram í Þjóðleikhúskjallaranum í gærkvöldi. Liðið úr MA kom, sá og sigraði með miklum glæsibrag. Í liðinu og á myndinni eru Freyr Jónsson, Ragnhildur Tryggvadóttir, Stefanía Sigurdís Jóhönnudóttir & Eiríkur Þór Björnsson. Til hamingju með frábæran árangur!

Allir nemendur í 2. bekk fá kennslu í grunnatriðum skyndihjálpar. ,,Það er ekki oft sem maður vonar að nemendur þurfi aldrei að nota þekkingu sína - en það á þó við um skyndihjálparkennsluna", segir Unnar Vilhjálmsson, íþróttakennari. Hann fylgdi nemendum á námskeið Rauða krossins á dögunum og tók meðfylgjandi myndir.

Nýr vefur opnar í dag, þann 26. október. Vefurinn er hannaður af Stefnu og svarar kröfum nútímans mun betur en sá gamli.

Í síðustu viku var nemendum í ferðamálaáföngunum í MA boðið að kynna sér Vestnorden ferðakaupstefnuna sem haldin var í Íþróttahöllinni á Akureyri.

Nýnemar fóru í gær í gönguferð vítt og breitt um bæinn. Gangan er liður í áföngunum menningarlæsi og náttúrulæsi og markmiðið er að nemendur kynnist nærumhverfi sínu og sögu þess.

Þann 29. ágúst verður Menntaskólinn á Akureyri settur í 139. sinn kl. 9:30 á sal skólans. Stjórnendur, skrifstofufólk, húsverðir og ræstilið er allt mætt á staðinn og býr sig undir að taka á móti kennurum og síðan nemendum.