Fréttir

Gettu betur-stelpur ætla að halda æfingabúðir í lok sumars. Kynning á búðunum verður hér í MA miðvikudaginn 7. maí klukkan 15.30

Nemendur í menningarlæsi í 1. bekk fóru til Siglufjarðar 30. apríl í náms- og kynnisferð í atvinnu- og menningarsögu.

Í hádeginu á föstudag 2. maí heldur Anna Harðardóttir námsráðgjafi örnámskeið um góðar vinnuvenjur í námi, með áherslu á skipulag, lestur, glósugerð og minnistækni. Námskeiðið er 40 mínútur og geta nemendur valið á milli tveggja tímasetninga, kl. 11.30 og kl. 12.15 í stofu G21 Nemendur eru hvattir til að mæta og grípa með sér nesti.

Mentoraverkefninu Vináttu sem báðir framhaldsskólarnir á Akureyri, MA og VMA, hafa unnið að á undanförnum árum er lokið að þessu sinni.

Leikfélag Menntaskólans á Akureyri tekur á ný upp sýningar á söngleiknum Vorið vaknar. Alls verða fjórar sýningar í viðbót, sú fyrsta föstudaginn 2. maí

Tveir nemendur MA taka þátt í Ólympíukeppni í sumar, Jóhann Ólafur Sveinbjarnarson í 2. bekk T í stærðfræði og Tryggvi Unnsteinsson í 3. bekk X í eðlisfræði

Kennt er í dag, sumardaginn fyrsta, en það er ekki algengt. Sumarið hefur komið með hlýindum og skólafélagið Huginn bauð upp á pylsur í hádeginu.

Uglusjóður, Hollvinasjóður MA ítrekar auglýsingu um styrki til umsóknar. Umsóknareyðublað má nálgast hér.

Skólastarf hófst í morgun að loknu páskafríi, degi fyrr en venja er til. Prófin nálgast og einhverjir þurfa að gera ráðstafanir í tíma.

Skólastarf hefur farið ágætlega af stað að loknu verkfalli. Ekki hefur orðið vart við að nemendur hyggist snúa frá námi.