Á föstudaginn flutti Guðjón Hreinn Hauksson kennari fyrirlestur í Kvosinni fyrir nemendur í náttúrufræðihluta Íslandsáfangans og fjallaði þar um tölvuleiki og staðalímyndir í tölvu- og myndheimum.
Nemendur komu því á í fyrravetur að sett yrði upp kaffivél í Kvosinni og núna í vetur var það fyrir áhrif nemenda að tekin var í notkun vél sem skammtar fólki kalt vatn.
Það er þétt setinn bekkurinn á bókasafni MA flesta daga. Nemendur sitja þar við nám og alls konar verkefnavinnu, meðal annars í Íslandsáfanganum.
Ratatoskur verður á mánudag og þriðjudag í næstu viku. Skólafélagið Huginn auglýsir nú eftir nemendum og kennurum sem vilja bjóða upp á námskeið eða kynningar.
Agnes Eva Þórarinsdóttir í 3T náði þeim ágæta árangri í forkeppni efnafræðikeppninnar á dögunum að komast í 16 manna hóp, sem fær að taka þátt í úrslitakeppnninni 12. og 13. mars.
Krakkahópur úr leikskólanum Tröllaborgum kom í heimsókn í MA í morgun. Krakkarnir hittu skólameistara Jón Má og hann fór með þeim í skoðunarferð um skólann. Það er ekki verra að hafa tímann fyrir sér og vita hvert fara skal þegar velja skal skóla. Gaman að fá svona frábæra gesti.
Íslandsáfangarnir hafa verið talsvert áberandi í skólalífinu í MA í vetur. Þessi nýbreytni í kennslu og námi í skólanum gengur afar vel.
Laugardagurinn 5. mars kl. 11:30-14:00 bjóða stjörnuskoðunarfélag Seltjarnarness og Stjörnufræðivefurinn upp á námskeið í stjörnufræði í Menntaskólanum á Akureyri.