Fréttir

Við Menntaskólann á Akureyri er laust til umsóknar starf í uppeldisfræði og sálfræði. Umsækjendur þurfa að hafa háskólamenntun í uppeldisfræði eða sálfræði og kennsluréttindi. Ráðið verður í stöðuna frá 1. ágúst 2011.

Á undanförnum vikum hefur verið unnið að því að endurnýja vef MA. Nýi vefurinn er í vefumsjónarkerfinu Moya hjá Stefnu hugbúnaðarhúsi á Akureyri.

Úthlutað var úr Uglunni, hollvinasjóði MA, í fyrsta sinn 17. júní. Ragna Árnadóttir fulltrúi 25 ára stúdenta tilkynnti að sjóðurinn hefði ákveðið að veita styrk til allra þeirra þriggja verkefna sem um var sótt.

Inntöku nemenda er lokið. Teknir voru inn í fyrsta bekk 215 nemendur sem lokið hafa 10. bekk og að auki 18 nemendur á hraðlínu, beint úr 9. bekk grunnskóla.

Menntaskólanum á Akureyri var slitið í 131. sinn í dag. Jón Már Héðinsson skólameistari sleit skóla og brautskráði 166 nýstúdenta. Eva María Ingvadóttir var hæst á stúdentsprófi með 9.69.

Menntaskólinn á Akureyri sendir nýstúdentum, fjölskyldum þeirra og vinum, starfsfólki skólans og ekki síst afmælisárgögnunum, júbílöntunum, bestu óskir um gleðilega hátíð.

Árla morguns, kl. 6:30, var boðið til árlegs morgunverðar að heimili Þorláks Axels Jónssonar. Þetta var í tilefni silfurbrúðkaups þeirra hjóna, Þorláks og Gunnhildar, en verður framvegis haldinn að morgni þess dags sem síðasti kennarafundur skólaársins er haldinn.

Brautskráningin verður í Íþróttahöllinni 17. júní og hefst klukkan 10. Ýmislegt þarf að muna og hér eru helstu tímasetningar, hvert þarf að koma og hvenær.

Menntaskólanum á Akureyri verður slitið í 131. sinn og stúdentar brautskráðir við hátíðlega athöfn í Íþróttahöllinni á Akureyri föstudaginn 17. júní næstkomandi. Athöfnin hefst klukkan 10.00 en hús er opið frá klukkan 9.00.

Síðustu regluleg vorannarpróf í MA eru á föstudaginn kemur, en fyrsti bekkur lýkur prófum í dag, miðvikudag. Sjúkrapróf verða mánudaginn 6. júní. Tafla yfir sjúkrapróf verður birt mjög fljótlega og tengill á hana verður í hliðardálki á forsíðu ma.is.