Mánudaginn 1. febrúar eru prófsýningar í skólanum frá kl 14.15-15.30. Á sama tíma mun Hagsmunaráð taka á móti bókum í Kvosinni. Bókasala verður miðvikudag og fimmtudag.
Haustannarprófum er lokið og sjúkrapróf nær öll að baki. Nemendur eru margir á bak og burt enda hafa þeir fáeina daga til að búa sig undir nýja önn. Kennsla hefst á ný 1. febrúar.
Að undanförnu hefur verið rætt um auglýsingar skrifstofuvörufyrirtækis í Dagskránni, þar sem í óleyfi voru notaðar myndir af skólameisturum MA og VMA. Beðist hefur verið afsökunar á því.
Haustannarpróf standa nú yfir í MA, eins og jafnan á þessum tíma árs. Nú er seinni prófavika og reglulegum prófum lýkur í vikulok. Sjúkrapróf eru fyrirhuguð á mánudag.
Veður er að mestu gengið niður á Akureyri, en víða illfært akandi í morgunsárið, og verið að ryðja helstu leiðir. Skólastarf verður í MA í dag, föstudag, eftir því sem fólk kemst til skóla.
Veðurspá er slæm og afar óljóst um færð með morgni. Skólameistari hvetur nemendur sem búa utan bæjar til að meta ásamt forráðamönnum sínum í fyrramálið, föstudag, hvort ráðlegt sé að fara til skóla.
Það var sungið hátt og snjallt á jólastund í Kvosinni í morgun. Undanfarna daga hefur verið mikið álag á nemendum og kennurum við alls kyns frágang og skil og allir sólgnir í frí.
