Fréttir

Nemendur geta tekið á leigu skápa undir skóladót. Lyklar eru afhentir í afgreiðslu skólans. Afhending lykla hefst á föstudaginn. Opið er í afgreiðslu klukkan 8.00 - 14.00.

Frá síðustu mánaðamótum hefur tölvupóstur á MA-netföng borist á nýjan stað, eða inn í nýtt pósthús MA í Office 365 hjá Microsoft. Upplýsingar um þetta voru sendar nemendum fyrir mánaðamótin og liggja þær inni í gamla pósthólfinu, á https://postur.ma.is.

Bæklingurinn Upplýsingar um skólann fyrir nýnema og forráðamenn þeirra 2013-2014 er nú kominn út og hægt að lesa hann hér á vefnum.

Af sólarlandaförum þeim sem sagt hefur verið frá er allt gott að segja, allir heilir og finna sér fjölmargt að gera í sólskininu.

Oft er spurt um fjölda nemenda í skólanum. Ekki er alltaf hægt að svara slíku fyrirfram því tölur geta breyst við upphaf skóla en í vetur verða þeir sem næst 765

Þessa dagana stendur yfir mikil vinna við frágang á nýjum póstþjóni á Office365 hjá Microsoft. Nýi póstjónninn hefur verið tekinn í notkun og nýr póstur á @ma.is berst allur þangað. Gamli pósturinn er þó allur á sínum stað.

Í flestum skólum er vetrarstarf hafið, en Menntaskólinn á Akureyri verður settur á Sal skólans á Hólum föstudaginn 13. september klukkan 10.30.

Sumarleyfi starfsmanna er hafið. Kennarar fóru flestir í sumarfrí um 20. júní og aðrir starfsmen eru að ljúka störfum. Skrifstofur skólans verða lokaðar í júlí og fram til 12. ágúst.

Um þessar mundir fagnar góður hópur starfsmanna því að hafa farið saman í göngutúra nánast hvert einasta hádegi frá miðjum ágúst til loka júní í tíu ár.

17. júní 2013 var úthlutað úr Uglunni, hollvinasjóði MA í þriðja sinn. Sjóðurinn var stofnaður af 25 ára stúdentum 2009, til þess m.a. að styðja við þróun og nýsköpun í skólastarfi og er ætlaður bæði nemendum og kennurum.