Fréttir

Að morgni mánudagsins 17. júní sl. brautskráði Menntaskólinn á Akureyri 149 stúdenta við hátíðlega athöfn í Íþróttahöllinni. Við það tækifæri gerði Jón Már Héðinsson skólameistari laun kennara að umtalsefni og sagði brýna þörf á að hækka grunnlaun þeirra og komast að samkomulagi um nýja vinnutímaskilgreiningu.

Menntaskólanum á Akureyri verður slitið í Íþróttahöllinni á Akureyri mánudaginn 17. júní klukkan 10. Húsið er opið frá klukkan 9. Að vanda hefst athöfnin með tónlistarflutningi, en að honum loknum er ræða skólameistara.

Júbílantinn er splunkunýr vefur sem ætlað er að efla tengsl milli jubilanta/afmælisstúdenta og skólans.

Sjúkrapróf verða haldin í 1. bekk föstudaginn 7. júní en mánudaginn 10. júní í efri bekkjum. Tafla yfir tímasetningar eru á vef MA, undir hlekknum Próftafla.

Þau eru ófá handtökin að baki hverju prófi sem haldið er. Nemendur þreyta próf sem kennarar semja og fara yfir, en þar á milli er svo prófumsjónin.

Hópur starfsfólks og nemenda fór í góðu veðri upp á Ystuvíkurfjall á laugardaginn. Þetta var góð ferð og ferðalangarnir ánægðir.

Nú er hafin síðari prófvika í MA. Flestir ljúka reglulegum prófum á fimmtudag og föstudag í þessari viku. Einhverjir ljúka sínum prófum fyrr.

Í dag hefur borið á einhverjum leiðindum í póstkerfinu okkar sem hefur haft þær afleiðingar að allmargir notendur gátu hvorki notað tölvupóst né skráð sig inn á Moodle. Þetta er nú komið í samt lag aftur. Við í tölvudeildinni biðjumst velvirðingar á þessu og vonum að ekki þurfi að koma aftur til vandræða af þessu tagi.

Föstudagurinn 24. maí var síðasti kennsludagur Valdimars Gunnarssonar og Þóris Haraldssonar, sem báðir hafa kennt við skólann í 40 ár.

Í dag var Dimissio. Fjórðubekkingar voru kvaddir með athöfn yngri nemenda, kvöddu síðan kennara í skóla og heima og um kvöldið var samsæti þeirra og kennara.